Khalion mein kami, neend mein chalnay ki shikaayet

Science danon ko yaqeen hai ke unhon ne khalion mein payi janay wali iss khaami ka pata laga liya hai jis ki wajah say logon mein neend mein chalnay ki shikaayet payi jati hai.

mahireen ne aik aisay khandaan ki chaar naslon par tehqeeq ki jin ko neend mein chalnay ki shikaayet thi, jis kay baad woh pata chalanay mein kamyaab huay ke yeh shikaayet cromosom 20 mein payi janay wali khaami ki wajah say hoti hai.

mahireen ne ' general neurology ' ko bataya hai ke DNA mein naaqis khaliye ki sirf aik kaapi ka paaya jana bhi neend mein chalnay ki shikaayet paida karnay kay liye kaafi hai.

in ka kehna hai ke ab woh iss mazkoorah cromosom mein paye jani wali bemari ka naya ilaaj talaash karein gay jis say taqreeban das feesad bachay aur chaar feesad baaligh mutasir hotay hain. mohqiqeen ne iss kay liye thook kay namoonay liye aur jinyat ki haeyat ka pata karnay kay liye DN ka tajzia kiya.

aik jean ki zabardast chhaan been say pata chala ke yeh masla aik genetic code ki wajah say paida hota hai jo cromosom 20 mein rehta hai. aur yeh genetic code nasal dar nasal muntaqil hota rehta hai. jis kay paas yeh code hai iss kay usay apnay bachon mein muntaqil karnay kay pachaas feesad imkaan hai. aur jis shakhs ko yeh nakara d an a waarsat mein milay tou iss mein neend mein chalnay ki shikaayet payi jaye gi.

Washington university mein doctor krstina Grint ne iss kay mutalay kay liye aik baday khandaan ka intikhab kiya tha. iss khandaan mein chaar naslon say yeh shikaayet payi jati hai.

iss khandaan ki aik barah sala bachi mein khaas tour par neend mein chalnay ki shikaayet thi jis say woh aksar raat mein ghar say bahar nikal kar ghoomnay nikal jati thi. guzashta chaar naslon kay baaes afraad mein say no afraad mein yeh shikaayet payi jati hai.

doctor Grint ka kehna hai ' imkaan yeh hai ke iss mein bohat say jeans mulawis hon gay. hum ne jo pata kiya hai woh yeh ke neend mein chalnay kay liye zimma daar pehla genetic kis jagah hai. '

' hamein abhi yeh nahi maloom hai ke cromosom mein paye janay walay jeans mein say konsa iss kay liye zimma daar hai. jab tak hamein iss jain ka pata nahi chalta tab tak hamein in khandano ya khandaan kay bohat say logon kay mutaliq maloom nahi ho ga jo neend mein chalnay ki shikaayet say dochar hain. lekin in jeans ki daryaft shanakht aur ilaaj mein madad gaar saabit ho saktay hain. '

bohat say sotay huay bachay uth kar neend mein he idhar idhar ghoomnay lgtay hain. lekin neend mein sona zyada tar waqeat mein, khaas tour par jab yeh silsila sun baloghat tak jari rahay tou, bohat khatarnaak ho sakta hai.

neend mein sonay walay afraad ajeeb ajeeb harkatein kartay hain, jaisay car ki chaabi talaash karna, darwaaza kholna aur phir issi haalat mein car drive karna. kayi baar issi tarah kay waqeat mein aisay log halak tak hogaye hain.

mahireen yeh baat mantey hain ke yeh bemari moroosi hoti hai aur khandaan mein chalti rehti hai. lekin bohat zyada thaknay aur tanao say bhi yeh ubhar jati hai. aam tour par raat mein sonay say thori dair baad he aisa hota hai lekin subah iss shakhs ko in waqeat kay baray mein kuch bhi pata nahi rehta.