دل نے تیرے بارے میں پوچھا تو بہت رویا

دل نے تیرے بارے میں پوچھا تو بہت رویا
وہ شخص جو پتھر تھا ٹوٹا تو بہت رویا

یہ دل کے جدائی کے عنوان پے برسوں سے
چپ تھا تو بہت چپ تھا رویا تو بہت رویا

اک حرف تسلی کا اک لفظ محبت کا
خود اپنے لیے اس نے لکھا تو بہت رویا

پہلے بھی شکستوں پر کھائی تھی شکست اس نے
لیکن وہ تیرے ہاتھوں ہارا تو بہت رویا

جو عہد نبھانے کی دیتا تھا دعا ، اس نے
کل شام مجھے تنہا دیکھا تو بہت رویا