مجھے پتھر بنا دینا

یہی گر ضد تمہاری ہے . . . ! !
چلو ہم بھول جاتے ہیں . . .
سبھی وعدے ، سبھی قسمیں . . .
محبت کی سبھی رسمیں . . .
نہیں منظور جو تم کو . . .
کریں رنجور کیوں تم کو . . .
تمہاری شادمانی ہی عزیز - اَز - جان ہے جب تو . . .
تمہیں پھر ٹوکنا کیسا . . . ؟ ؟ ؟
ضیاع ، سود کی بابَت بھلا پھر سوچنا کیسا . . . ؟ ؟ ؟
چلو ہم بھول جاتے ہیں . . .
محبت کی ریاضت میں . . .
وفاؤں کی مسافت میں . . .
قدم کس کے کہاں بہکے ، ہوئی کس سے کہاں لرزش . . .
بسا دی جس نے اک پل میں ہماری آنکھوں میں بارش . . .
کے جس کی تیز بوندوں نے . . .
کسی تیزاب کی صورت . . .
نشان منزل دل ہی جلا ڈالا . . . ! ! . . . مٹا ڈالا . . . ! !
مگر جاناں . . . !
کہاں آسان ہوتا ہے . . .
جگر کا خون اشکوں میں بدلنا اور بہا دینا . . . ! ! !
خس و خاشاک چن چن کر . . . ! !
گھروندہ اک بنانا اور . . . ! ! . . . اسی کو پھر جلا دینا . . ! ! !
جواں سپنوں کی لاشوں کو
دروں جان چھپا کر مسکرا دینا
خزائیں پالنا خود میں ! ! ! . . . بہاریں بانٹتے پھرنا ! ! !
کہاں آسان ہوتا ہے . . . ! ! !
بہت ممکن ہے ہم بھی ہار ہی جائیں
جواں ہے ضبط جو اب تک . . . ! ! !
مقابل غم کے آئے اور ، ڈھے جائے . . . ! ! !
اور اس میں بھی تعجب کیا . . . ؟ ؟ ؟
تمھارے لوٹ آنے کی بچی ہو آس جو کوئی . . . ! ! !
نوا بے زبان بن کر . . . ! ! !
سسک کر پھر سے اُٹھے اور تم تک بھی پہنچ جائے . . . ! ! !
سو تم سے یہ گزارش ہے . . . ! ! !
تب اک احسان تم کرنا . . . ! ! !
پلٹ کر دیکھنا یوں سرد نظروں سے . . . ! ! !
کے جو بھی آس زندہ ہو
اسے یکسر مٹا دینا
مجھے پتھر بنا دینا . . . ! ! !