وہ اَبْر میرے دشت تمنا میں اترتا
اے کاش سمندر بھی کبھی دریا میں اترتا
کرنوں کی دھنک اوڑھ کے ایک روز اچانک
وہ مجھ سے بچھڑ کر میری دنیا میں اترتا
ایک عکس میرے دل کے دریچے میں دھڑکتا
ایک خواب میری آنکھ کے صحرا میں اترتا
بے نور نا رہتی شب ہجراں کی ہتھیلی
وہ جان دعا دشت تمنا میں اترتا
وہ چند کسی محل کے خوابوں کا مقدر
کیوں میرے بجھے گھر کی تمنا میں اترتا
جاوید کسی شب میرے خوابوں کا مسافر
آنکھوں سے نکل کر دل تنہا میں اترتا . . . !
Posted on Jan 12, 2012
سماجی رابطہ