آنکھیں

وہ حسن مجسم کمال اسکی آنکھیں ،
سراپا محبت جمال اسکی آنکھیں ،

جھکیں تو لگتی ہیں زیور حیا کا ،
اٹھیں تو کریں پھر سوال اسکی آنکھیں ،

ملیں تو میں دونوں جہاں دے کے لے لوں ،
وہ چہرہ وہ زلفیں وہ گال اسکی آنکھیں ،

اگر کوئی پوچھے کے دنیا میں کیا ہے ،
دیوانہ کہے گا مثال اس کی آنکھیں ،

ان آنکھوں کے کاجل میں ڈوبا ہوں شاید ،
عجب پھر چلی ہیں یہ چال اسکی آنکھیں .

آنکھیں

مجھ سے ملتے ہیں تو ملتے ہیں چرا کر آنکھیں
پھر وہ کس کے لیے رکھتے ہیں سجا کر آنکھیں

میں انہیں دیکھتا رہتا ہوں جہاں تک دیکھوں
ایک وہ ہیں جو دیکھیں نا اٹھا کر آنکھیں

اس جگہ آج بھی بیٹھا ہوں اکیلا یارو
جس جگہ چھوڑ گئے تھے وہ ملا کر آنکھیں

مجھ سے نظریں وہ اکثر چرا لیتے ہیں فراز
میں نے کاغذ پہ بھی دیکھی ہیں بنا کر آنکھیں