مجھے ایک بات کہنی تھی

مجھے ایک بات کہنی تھی ، تمہیں اتنا بتانا تھا

کے میری زندگی ہو تم ، تمہیں ہی سوچتا ہوں میں

بہت مصروف رہتا ہوں ، بہت سے کام ہیں مجھ کو

مگر تم سے نہیں غافل ، تمہیں ہی سوچتا ہوں میں

بہت سے لوگ ملتے تھے ، مگر جب سے تمہیں دیکھا

نا جانے کیا ہوا مجھ کو ، تمہیں ہی سوچتا ہوں میں

مجھے اوروں سے کیا لینا ، میرا لوگوں سے کیا رشتہ

میری دنیا ہو تم ہی تم ، تمہیں ہی سوچتا ہوں میں

نگاہوں میں بسی ہو تم ، خیالوں میں سمائی ہو

سکون دل ہو تم میرا ، تمہیں ہی سوچتا ہوں میں

بہت مشکل ہے یہ جینا ، تمھارے بن میرا رہنا

کے میری سانس میں ہو تم ، تمہیں ہی سوچتا ہوں میں

کبھی تنہائی میں بیٹھو ، اگر تنہائی میں تم ہو

تو اتنا یاد کر لینا ، تمہیں ہی سوچتا ہوں میں . . . !