ہوگوشاویز کے حلف اٹھانے کا پروگرام منسوخ

اے آر وائی - وینزویلا کے صدر ہوگوشاویز کے حلف اٹھانے کا پروگرام منسوخ کردیا گیا۔ وینزویلا کی حکومت کے مطابق صدر ہوگوشاویز جمعرات کے روز اگلی مدت کے لیے حلف نہیں اٹھائیں گے۔ قومی اسمبلی کی اسپیکر نے اراکین کو بتایا کہ ہوگوشاویز بعد میں کسی اور تاریخ کو اگلی مدت کے لیے حلف اٹھائیں گے۔

صدر ہوگو شاویز کیوبا میں ایک ہسپتال میں زیر علاج ہیں۔ ان کا گیارہ دسمبر کو کینسر کا چوتھا آپریشن ہوا تھا اور اس کے بعد سے وہ پھیپھڑوں کے شدید انفیکشن کا شکار ہیں۔ صدر شاویز گذشتہ ماہ آپریشن کے بعد سے عوام کے سامنے بھی نہیں آئے۔

دوسری جانب حزب اختلاف نے سپریم کورٹ ایک رٹ دائر کی ہے جس میں درخواست کی گئی ہے کہ اگر ہوگوشاویز حلف نہیں اٹھاسکتے تو ایسی صورت میں کیا راستہ اختیار کیا جانا چاہیے۔ حزب اختلاف کے رہنماؤں نے کہا کہ صدر شاویز اگلی مدت کے لیے حلف نہیں اٹھاتے ہیں تو اس صورت میں ملکی آئین کے مطابق قومی اسمبلی کے اسپیکر آئندہ 30 دن کے اندر نئے انتحابات کے انعقاد تک نگران صدر کے طور پر کام کریں۔

واضح رہے کہ وینزویلا کے آئین کی رو سے اگر صدر اپنے اقتدار کی پہلے چار سال میں کسی وجہ سے اقتدار سے علیحدہ ہو جائیں تو تیس دن کے اندر دوبارہ انتخاب کروایا جائے گا۔

اس زمرہ سے آگے اور پہلے

اس سے آگے	اس سے پہلے
امریکی فوج 2014تک بلانے کا فیصلہ نہیں ہوا،امریکی حکام	اسرائیلی فوج کی فائرنگ سے 2 فلسطینی جاں بحق

اسی زمرہ سے

- اسرائیلی فوج کی فائرنگ سے 2 فلسطینی جاں بحق

- ریفرنڈم:57 فی صد کیویز کا موجودہ جھنڈے پر اظہار اطمینان

- موزمبیق سے ملنے والا ملبہ طیارے کا ہوسکتا ہے، ملائیشین حکام

- امریکی ریاست کولوراڈو میں برفانی طوفان ،700پروازیں منسوخ

- نیوزی لینڈ: طوفانی بارشوں کے باعث سیلابی صورتحال کا سامنا

مقبول ترین

1 - سابق افغان صدر کی ملاعمر سے پاکستان میں ملاقات کا دعویٰ

2 - افغانستان سے امریکی فوجوں کا انخلا، پہلے مرحلے کا اعلان آئندہ ہفتے متوقع

3 - امریکہ نےافغانستان میں سپلائی کیلئےپاکستان پرانحصارکم کردیا

4 - لندن: تعلیمی اداروں میں شدت پسند گروپوں پر پابندی کا فیصلہ

5 - مولانا مسعود اظہر کے بہنوئی عبدالرؤف چلی سے گرفتار