5 مارچ 2011
وقت اشاعت: 20:45
لندن میں پاکستان کرکٹ ٹیم کے4کھلاڑیوں کے ڈوپ ٹیسٹ ہونگے
جنگ نیوز -
لندن....ایک اورامتحان پاکستانی کرکٹرز کا منتظر ہے،کھلاڑیوں کو اسکاٹ لینڈ یارڈ سے چھٹکارا ملا نہیں کہ واڈا کی ٹیم لندن پہنچ گئی ہے جہاں وہ پاکستان کے چارکرکٹرز کے ڈوپ ٹیسٹ لے گی۔پاکستان ٹیم کے منیجریاور سعید کے مطابق ورلڈاینٹی ڈوپنگ ایجنسی چارکرکٹرز کے ٹیسٹ لے گی ، امکان ظاہر کیا جارہاہے کہ شعیب اختر، محمدیوسف ،شاہدآفریدی اورعمراکمل کے ڈوپ ٹیسٹ لیے جائیں گے۔ پاکستان کے تین کرکٹرز میچ فکسنگ الزامات کی وجہ سے معطل ہوچکے ہیں ،ایسے وقت میں واڈا کی طرف سے ڈوپ ٹیسٹ لینا پاکستان ٹیم کے لیے بڑی آزمائش ہے۔دوہزارچھ میں پاکستان کے فاسٹ بولر شعیب اختراورمحمدآصف کا ڈوپ ٹیسٹ مثبت آیا تھا جبکہ دوہزار آٹھ میں آئی پی ایل کے بعدمحمدآصف کا ڈوپ ٹیسٹ مثبت آیا تھا۔
