29 مئی 2011
وقت اشاعت: 5:59
ملک کے جنوبی علاقوں میں درجہ حرارت بتدریج بڑھنے کا امکان
جنگ نیوز -
اسلام آباد…ملک میں خشک موسم کا سلسلہ جاری ہے جبکہ جنوبی اور زیریں علاقوں میں دن کا درجہ حرارت بتدریج بڑھنے سے گرمی زور پکڑ رہی ہے ۔محکمہ موسمیات کے مطابق گزشتہ چوبیس گھنٹوں میں ملک کے تقریبا تمام علاقوں میں موسم خشک رہا ، موسم کا یہ سلسلہ آئندہ چوبیس گھنٹے بھی جاری رہنے کا امکان ہے ، محکمہ موسمیات کا کہنا ہے کہ خشک موسم کا یہ سلسلہ آئندہ تین سے چار روز تک بھی برقرار رہنے کا امکان ہے ، پنجاب کے جنوبی علاقوں اور سندھ کے وسطی اور بالائی علاقوں میں دن کا درجہ حرارت چالیس ڈگری سنٹی گریڈ یا اس سے اوپر رہنے کا امکان ہے۔
