ایم کیو ایم کی بھتہ مافیا کیخلاف کارروائی کیلئے حکومت کوڈیڈ لائن

جنگ نیوز -
اسلام آباد…ایم کیو ایم نے بھتہ اور پرچی مافیا کے خلاف کارروائی کے لئے حکومت کو دو دن کی ڈیڈ لائن دے دی۔بابرغوری کا کہنا ہے کہ حکومت سیاسی بیانات کے بجائے عملی اقدامات کرے۔پارلیمنٹ ہاؤس کے باہر ایم کیو ایم کے سینیٹرز عبدالحسیب، احمد علی اور دیگر ارکان نے میڈیا سے گفتگوکرتے ہوئے کہا کہ وزیر داخلہ رحمان ملک نے کراچی میں بھتہ اور پرچی مافیا کے خلاف کارروائی کی یقین دھانی کرائی ہے۔ایم کیو ایم دو دن انتظار کرے گی پھراگلے لائحہ عمل کا اعلان کرے گی۔ایم کیو ایم کے رہ نما بابرغوری نے جیو نیوزسے گفتگو میں کہا کہ وزیرداخلہ کی یقین دھانی کے باوجود کراچی میں بھتہ خوروں کو گرفتار نہیں کیا گیا۔انہوں نے کہا ہے کہ بعض پولیس افسران بھی بھتاخوروں سے ملے ہوئے ہیں۔ان کا کہنا تھا کہ بھتا خوری میں ملوث افراد کے خلاف فوری کارروائی کی جائے۔