پاکستان سے افغانستان جانیوالے کنٹینرز میں اسلحہ نہیں ہوتا، وکی لیکس

جنگ نیوز -


کراچی…پاکستان سے متعلق وکی لیکس کے انکشافات کا سلسلہ جاری ہے۔ ایک مراسلے میں ان خبروں کی تردید کی گئی ہے کہ پاکستان میں امریکی و نیٹو افواج کا چوری کرکے فروخت گیا۔ سترہ نومبر دو ہزار آٹھ کو اسلام آباد میں اْس وقت کی امریکی سفیر این پیٹرسن نے واشنگٹن کو مراسلے میں آگاہ کیا کہ پاکستان کے راستے افغانستان جانیوالے امریکی فوج کے کنٹینرز میں کبھی اسلحہ یا ایمونیشن نہیں لے جایا گیا۔ پاکستانی میڈیا میں یہ رپورٹ بھی آئی کہ بعض اوقات کنٹینرز کو اغواء کرکے پاکستان میں اسلحہ فروخت کیا جارہا ہے۔ مراسلے میں واضح کیا گیا کہ زمین کے راستے پاکستان سے کبھی اسلحہ ، ایمونیشن یا حساس آلات افغانستان منتقل نہیں کیے جاتے۔ اس حوالے سے میڈیا کی کوئی بھی خبر درست نہیں۔