امن کیلئے پیپلزپارٹی کیساتھ چلنے کاسوچ سکتے ہیں،الطاف حسین

جنگ نیوز -


لندن...متحدہ قومی موومنٹ کے قائد الطاف حسین نے کہا کہ پاکستان توڑنے والی قوتوں کے ایجنٹ پاکستان میں بھی موجودہیں، قانون پرعمل جب ہوگاجب عام آدمی سے لیکرصدروزیراعظم پراسکااطلاق ہو۔اپنی ویڈیوکانفرنس کے دوران صحافیوں کے سوالوں کے جوابات دیتے ہوئے انھوں نے کہا کہ ہم سندھ کے مستقل باشندے ہیں،یہی پیدا ہوتے ہیں یہی کماتے اور خرچ کرتے ہیں اور مرنے کے بعد یہی دفن ہوجاتے ہیں ہم اس دھرتی کا حصہ بن چکے ہیں۔انھوں نے کہا کہ پختونوں سے پوچھاجائے جب مرتے ہیں تومیت اپنے علاقوں میں کیوں لیجاتے ہیں۔انھوں نے کہا کہ ،لیاری میں دہشت گردوں کوسرکاری سرپرستی حاصل ہے،سندھ میں نفرت کے خاتمے کیلئے پیپلزپارٹی کیساتھ چلنے کاسوچ سکتے ہیں،بھائی بن کربھی اپوزیشن کی جاسکتی ہے۔ایک اور سوال پر الطاف حسین نے کہا کہ میں جاگیردارنہیں ہوں کہ جانشین مقررکردوں،ایم کیوایم جمہوریت پسندجماعت ہے،میرے بعدجانشین کافیصلہ کردار،قابلیت اورمیرٹ پرکرنیکی ہدایت کردی ہے،سندھ میں کوئی پہلے آیاکوئی بعدمیں آیا،سب سندھی ہیں،نوازشریف بھی میرے بھائی ہیں،اگرکراچی میں قتل وغارت گری جاری رہی توکارکنوں کوآزادکردونگا،انھوں نے ایک سوال پر کہا کہ ذوالفقارمرزاکی کسی بات کاجواب نہ ماضی میں دیانہ آیندہ دونگا،انھوں نے کہا کہ اگر سندھ کے لیے جان بھی جاتی ہے توپرواہ نہیں،سندھ کی حفاظت کیلیے جان بھی قربان کرنے کوتیارہوں،پاکستان میں جن ممالک کااثرورسوخ ہے وہ عالمی سازشوں کاحصہ ہے۔ان کا کہنا تھا کہ ایم کیو ایم تنہا سازشی ممالک کا مقابلہ نہیں کرسکتی، اگر ایم کیو ایم ، پاک فوج اور آئی ایس آئی مل جائیں تو کوئی سپر پاور نہیں ۔ اگرعالمی سازش کے تحت قتل کردیاجاوٴں تووصیت پرعمل کیاجائے۔ان کا کہنا تھا کہ عمران فاروق کے قتل کے حوالے سے ہم پولیس کے ساتھ معلومات شیئر کررہے ہیں، اس کیس کی تفتیش قابل افسران کررہے ہیں۔ ان کا کہنا تھا کہ مومن ایک سوراخ سے دوبار نہیں ڈسا جاتا، لیکن پاکستان کی سیاست میں کوئی مومن بھی نہیں۔