فرانس،صدر زرداری کے شان دار استقبال کی تیاریاں زور شور سے جاری

جنگ نیوز -
پیرس…رضا چوہدری/نمائندہ جنگ…صدرپاکستان آصف علی زرداری کے دورہ فرانس کے موقع پر ان کے شان دار استقبال کیلئے تیاریاں زور شور سے جاری ہیں، پی پی فرانس کے صدر ارشاد کمبوہ نے دورہ کے انتظامات کا جائزہ لینے اور پروگرام سے آگاہی کیلئے انتظامیہ سے ملاقات کے علاوہ فرانس میں مقیم معروف سیاسی و سماجی شخصیات کے ساتھ بھی رابطے شروع کردیے ہیں جن میں صدرآصف علی زرداری کے دورہ کے موقع پر شاندار استقبال کرنے اور مشترکہ طور پر پاکستانی کمیونٹی کو درپیش مسائل سے صدر کو آگاہ کرنے کے سلسلے میں لائحہ عمل تیار کرنے پر غور کیا گیا۔ اس کے علاوہ صدر ارشاد کمبوہ نے پی آئی اے کے ٹریول ایجنسیوں کے ڈائریکٹر بشارت اکرم اور دیگر کے ساتھ بھی ملاقات کی اور انہیں اپنے مخلصانہ تعاون کا یقین دلایا۔ واضح ہو کہ صدر آصف علی زرداری کی پارٹی عہدیداروں کوواضح ہدایات ہیں کہ سب کو ساتھ لے کر چلاجائے اور سیاسی میدان میں تمام سیاسی قوتوں کے ساتھ مفاہمتی عمل کو فروغ دیا جائے۔