خبیر ایجنسی :دو عسکریت پسندوں گروپوں میں تصادم ،چھ ہلاک

آج نیوز - خیبر ایجنسی کے علاقے وادی تیراہ میں عسکریت پسندوں کے دو گروہوں کے درمیان تصادم میں چھ افراد ہلاک اور چار زخمی ہوگئے۔ ذرائع کا کہنا ہے کہ وادی تیراہ کے علاقے مہربان کلے میں عسکریت پسندوں کے دو گروہ میں جھڑپ ہوئی۔ جس میں چھ افراد ہلاک اور چار زخمی ہوئے۔ جھڑپ میں بھاری ہتھیاروں کا استعمال کیا گیا۔ فائرنگ کے باعث علاقے میں خوف و ہراس پایا جاتا ہے۔