ملکی پہلا سیارہ خلا میں بھیج دیا گیا

آج نیوز - پاکستان نے اپنا پہلا مواصلاتی سیارہ پاک سیٹ ون آر خلاء میں چھوڑ دیا۔جو کامیابی کے ساتھ مدار تک پہنچ گیا ہے۔پاک سیٹ ون آر ،پندرہ برس تک خلا میں رہے گا۔پاکستان نے یہ سیارہ چین کے تعاون سے خلا میں بھیجا ہے جو پاکستان کے خلائی پروگرام سال دوہزار چالیس کا حصہ ہے۔پاک سیٹ ون آر کو پاکستانی وقت کے مطابق رات نو بجکر سترہ منٹ پر چین سے خلا میں بھیجا گیا۔اس موقع پرسیکریٹری دفاع سید اطہرعلی،سیکریٹری خارجہ سلمان بشیر،لیفٹیننٹ جنرل خالد احمد قدوائی اور چین میں پاکستان کے سفیر مسعود خان بھی موجود تھے۔