نواب اکبر بگٹی قتل کیس میںپر ویز مشرف پر فرد جرم عائد

جیو نیوز - کوئٹہ......نواب اکبر بگٹی قتل کیس میں سابق صدر جنرل ریٹائرڈ پر ویز مشرف پر فرد جرم عائد کر دی گئی۔نواب اکبر بگٹی قتل کیس کی انسداد دہشت گردی کی عدالت میں سماعت ہوئی ،دوران سماعت کوئٹہ کی انسداد دہشت گردی کی عدالت نے نواب اکبر بگٹی قتل کیس کے حوالے سے نامزد مرکزی ملزم پرویز مشرف کے طبی معائنہ کے لئے میڈیکل بورڈ کی عدم تشکیل پر برہمی کا اظہار کیا،دوسری جانب پرویز مشرف کے وکیل کی جانب سے ان کے موکل کی حاضری سے استثنیٰ کےحوالے سے درخواست عدالت میں پیش کردی گئی۔ انسداد دہشت گردی کی عدالت میں نواب اکبر بگٹی قتل کیس کی سماعت عدالت کے جج آفتاب لون نے کی، سابق وفاقی وزیرداخلہ آفتاب خان شیرپائو اور سابق صوبائی وزیرداخلہ میر شعیب نوشیروانی عدالت میں پیش ہوئے جبکہ کیس میں نامزد مرکزی ملزم سابق صدر پرویز مشرف ایک بار پھر عدالت میں پیش نہیں ہوئے، تاہم عدالت میں سابق صدر پرویز مشرف کےوکیل ذیشان چیمہ کی جانب سے ان کی میڈیکل رپورٹ پیش کی گئی اور طبی بنیادوں پرانکی عدالت میںحاضری سے استثنیٰ کی درخواست پیش کی گئی۔عدالت کی جانب سے پرویز مشرف کے طبی معائنہ کے لئے میڈیکل بورڈ کی عدم تشکیل پر برہمی کا اظہار کیاگیا اور اس حوالے سے آئندہ سماعت پر ڈی جی صحت بلوچستان کو طلب کرلیاگیا ہے۔

اس زمرہ سے آگے اور پہلے

اس سے آگے	اس سے پہلے
مکمل سیکیورٹی تک اسکول بند رکھے جائیں،آئی جی خیبرپختونخوا	ماسکو میں پھنسے پاکستانیوں کی وطن واپسی کیلئے بورڈنگ پاس جاری

اسی زمرہ سے

- ماسکو میں پھنسے پاکستانیوں کی وطن واپسی کیلئے بورڈنگ پاس جاری

- ماسکوایئرپورٹ پر100 سے زائد پاکستانی گھنٹوں کمرے میں محصور

- اسلام آباد: گولڑہ میں فائرنگ سے 4 افراد جاں بحق

- بلوچستان سے بھارتی خفیہ ایجنسی "را" کا افسر پکڑا گیا

- دورہ امریکا میں ہوئے معاہدوں سے روابط مضبوط ہوئے، وزیراعظم

مقبول ترین

1 - ایشوریا رائے بد ترین اداکارہ قراردے دی گئیں

2 - لیموں کا رس صحت بخش ہی نہیں بلکہ طبی فوائد کا حامل بھی ہے،ماہرین

3 - سانحہ سیالکوٹ:سات ملزمان کو سزائے موت سنا دی گئی

4 - کبوتر انسانی صحت کے لیے نقصان دہ بیکٹریا پھیلاتے ہیں،جدید تحقیق

5 - گرمیوں میں آموں کا لطف اُٹھائیے اور صحت مند رہیے، ماہرین طب