عمران خان نے این اے 122 کے انتخابی عمل پر پھر سوالات اٹھا دیے

جیو نیوز - لاہور........تحریک انصاف کے چیئرمین عمران خان کا الیکشن پر ردعمل سامنے آگیا۔ انہوں نے پھر انتخابی عمل پر سوال اٹھادیا ہے ۔ عمران خان نے کہا ہے کہ پی ٹی آئی کے ووٹ این اے 122 سے باہر منتقل کیے گئے ۔

این اے 122 کا نتیجہ سامنے آنے کے بعد اپنے پہلے ردعمل میں عمران خان نےپھر انتخابی عمل میں گڑبڑ کا معاملہ اٹھا دیا ۔ اس بار عمران خان نے بات کی ہے آخری لمحات میں پی ٹی آئی کے ووٹ حلقہ سے باہر منتقل کیے جانے کی اور اس کی تحقیقا ت کرکے الیکشن کمیشن سے بات کرنے کا کہا ہے ۔

ان کا کہناہے کہ پی ٹی آئی اس بار بھی ن لیگ کے دھاندلی کے حربوں سے نمٹنے کے لیے تیار نہیں تھی اور آیندہ اپنی غلطیوں سے سبق سیکھیں گی ۔

عمران خان نے ضمنی انتخاب میں ن لیگ کی طاقت اور صوبائی الیکشن کمیشن کے مقابلے کو پی ٹی آئی کی اخلاقی فتح قرار دیا ۔ عمران خان نے پی پی 147 میں کامیابی پر شعیب صدیقی اور علیم خان کو صوبائی اور وفاقی حکومت کا بھرپور مقابلہ کرنے پر مبارک باد دی ہے۔