ان کے گھر میں چراغ جلتے ہیں

موت کی رہ گزر میں ہوتی ہے ،
زندگی جب سفر میں ہوتی ہے .

ان کے گھر میں چراغ جلتے ہیں ،
روشنی میرے گھر میں ہوتی ہے .

کیا محبت اسی کو کہتے ہیں ،
کیوں یہ سوزش جگر میں ہوتی ہے .

انکا آنا ہے موت کا آنا ،
زندگی تو خبر میں ہوتی ہے .

کیا ضروری کے ایسی دل میں ہو ،
جیسی نفرت نظر میں ہوتی ہے .

جو بھی کہنا ہے صاف صاف کہو ،
مجھ کو الجھن اگر میں ہوتی ہے .

پانی ہوتا ہے آنکھ میں منظر ،
آگ بھی چشم تر میں ہوتی ہے . . . !