میرا ساون بھی تم ہو میری پیاس بھی تم ہو

میرا ساون بھی تم ہو میری پیاس بھی تم ہو
صحرا کی بانہوں میں چھپی آس بھی تم ہو

تم یوں تو بہت دور بہت دور ہو مجھ سے
احساس یہ ہوتا ہے میرے پاس بھی تم ہو

ہر زخم کی آغوش میں ہے درد تمہارا
ہر دور میں تسکین کا احساس بھی تم ہو

کھو جاؤ تو ویران سی ہو جاتی ہے راہیں
مل جاؤ تو پھر جینے کا احساس بھی تم ہو

لکھتا ہوں تو تم ہی اترتی ہو قلم سے
پڑھتا ہوں تو لہجہ بھی تم آواز بھی تم ہو