شعراء 

حق کے لیے لڑنا تو بغاوت نہیں ہوتی


اس دیس میں لگتا ہے عدالت نہیں ہوتی ،
جس دیس میں انسان کی حفاظت نہیں ہوتی . .

مخلوق خدا جب کسی مشکل میں پھنسی ہو ،
سجدے میں پڑے رہنا عبادت نہیں ہوتی . .

ہم خاک نشینوں سے ہی کیوں کرتے ہیں نفرت ،
کیا پردہ نشینوں میں غلاظت نہیں ہوتی . .

یہ بات نئی نسل کو سمجھانی پڑے گی ،
عریانی کبھی بھی ثقافت نہیں ہوتی . .

سر آنکھوں پر ہم اس کو بٹھا لیتے ہیں اکثر ،
جس کے کسی وعدے میں صداقت نہیں ہوتی . .

پہنچا ہے اگرچہ بڑا نقصان ہمیشہ ،
پھر بھی کسی بندے کی اطاعت نہیں ہوتی . .

ہر شخص سر پہ کفن باندھ کے نکلے ،
حق کے لیے لڑنا تو بغاوت نہیں ہوتی . .

منگل, 26 فروری 2013
یہ متن رومن اردو میں پڑھیںYe Matan/Text Roman Urdu Mein Parhein

اس زمرہ سے آگے اور پہلے

اس سے آگےاس سے پہلے
بچھڑے تو قربتوں کی دعا بھی نا کر سکےتمہیں کتنا یہ بولا تھا
متن لکھیں اور تلاش کریں
© sweb 2012 - All rights reserved.