لیبیا کے نائب وزیر خارجہ نے جنگ بندی کا مطالبہ کردیا

اے آر وائی - عدیس ابابا : لیبیا کے نائب وزیر خارجہ عبدالعطی نے جنگ بندی کا مطالبہ کرتے ہوئے کہا ہے کہ بین الاقوامی مبصرین سیز فائر کو یقینی بنائیں۔



عدیس ابابا میں افریقن یونین کے اجلاس میں شرکت کے بعد میڈیا سے گفتگو میں ان کا کہنا تھا کہ مغرب اور امریکا لیبیا کو تقسیم کرکے تیل کی دولت پر قبضہ کرنا چاہتے ہیں۔انہوں نے بتایا کہ لیبیا کو نو فلائی زون قرار دیے جانے کے باعث ان کا وفد ہوائی جہاز کےبجائے بذریعہ کار اس کانفرنس میں شرکت کے لیے پہنچا ہے۔ان کا کہنا تھا کہ لیبیا کا مسئلہ افریقاکا معاملہ ہے مغرب اور یورپ اسے پیچیدہ بنارہے ہیں وہ ہمارے لوگوں کو بمباری کر کے ماررہے ہیں اور کہتے ہیں کہ تحفظ دینے آئے ہیں۔