لیبیابحران انسانی بنیادوں پر مزید توجہ چاہتا ہے،اقوام متحدہ

اے آر وائی - نیویارک: اقوام متحدہ کا کہناہےلیبیا کے معاملے کو انسانی بنیادوں پرمزید توجہ سے دیکھنے کی ضرورت ہے ہزاروں افراد کی ہلاکت اور ملک سے فرار کے نتیجےشہریوں کی بےچینی بڑھ رہی ہے۔



دوسری جانب تیل کی پیداوارکے ایک اور مرکز برغہ میں لیبیائی فوج اورباغیوں میں لڑائی جاری ہےمصر کے دارلحکومت قاہرہ میں اقوام متحدہ کمیشن برائے مہاجرین کے ہائی کمشنر انتونیو گٹرریس کا کہنا تھا کہ شہریوں کی صورت حال پرتشویش ہے۔



تنازع کے سیاسی اور فوجی پہلوؤں پر بات ہورہی ہے لیکن انسانوں کی حالت پر بہت ہی کم توجہ ہے دوسری جانب برغہ میں جاری لڑائی میں باغیوں کو اپنے ہلکے ہتھیاروں کے باعث پسپائی کا سامنا ہے۔



نیٹو کے فضائی حملوں اور اسلحے کی مدد کے بغیر ان کا اپنے زیراثرعلاقوں پرقبضہ رکھنا مشکل ہورہا ہے جبکہ انہیں اسلحہ فراہم کرنے پرنیٹو کے سربراہ کو اختلاف ہے۔