6 جون 2011
وقت اشاعت: 7:20
کابل : بم دھماکوں میں 6 نیٹو فوجیوں سمیت 8 افراد ہلاک
اے آر وائی - کابل : افغانستان میں طالبان حملے اور بم دھماکے میں نیٹو کے چھ فوجی ہلاک ہوگئے۔ جبکہ دو بم دھماکوں میں قندھار یونیورسٹی کے دو طالب علم جاں بحق ہوگئے ہیں۔ نیٹو حکام نے کابل سے جاری ایک بیان میں کہاکہ نیٹو فوجی افغانستان کے مشرقی حصے میں طالبان سے لڑائی میں ہلاک ہوئے۔
اس سے پہلے اتحادی افواج نے ایک بیان میں کہاکہ گزشتہ روز جنوبی افغانستان میں سڑک کنارے بم دھماکے میں دو نیٹو فوجی ہلاک ہوئے۔ ادھر قندھار یونیورسٹی میں دو بم دھماکوں میں دو افراد ہلاک ہوگئے۔ جبکہ حکام نے صرف دو بم دھماکوں کی تصدیق کی۔غیر ملکی خبر رساں ایجنسی کے مطابق رواں سال نیٹو افواج کی ہلاکتوں کی تعداد دو سو ہوگئی ہے۔
