مقبوضہ کشمیر: بھارتی فوجی نے 5 ساتھی فوجیوں کو قتل کرکے خود کشی کرلی

جیو نیوز - سری نگر…مقبوضہ کشمیر میں بھارتی فوجی نے 5 ساتھی فوجیوں کو قتل کرنے کے بعد خود کشی کرلی۔بھارتی میڈیا کے مطابق واقعہ سری نگر کے علاقے گاندربل کے ایک فوجی کیمپ میں پیش آیا۔ بھارتی فوجی نے سرکاری رائفل سے فائرنگ کرکے 5 ساتھی فوجیوں کو ہلاک کردیا اور بعد خود کو بھی گولی ماردی۔ ہلاک ہونے والے فوجیوں کا تعلق 13راشٹریا رائفلز سے تھا۔ فائرنگ کے وقت فوج کے اعلیٰ افسران بھی کیمپ میں موجود تھے۔ بھارتی میڈیا کے مطابق فائرنگ کا واقعہ فوجیوں کے آپس کے جھگڑے کا نتیجہ ہوسکتا ہے۔واقعے کی اعلیٰ سطح پر تحقیقات کا حکم دے دیا گیا ہے۔