بھارتی حکمرانوں کو ہوش آنے لگا، وزیر داخلہ کی چپ ٹوٹ گئی

جیو نیوز - نئی دلی.......اقلیتوں کو جانوروں سے تشبیہ دینے کا معاملہ بھارت میں اب بھی گرم ہے۔ بھارتی وزیر داخلہ راج ناتھ سنگھ نے مرکزی وزراء کی اشتعال انگیز بیان بازی پر ناراضی ظاہر کرتے ہوئے کہا ہے کہ کوئی یہ کہہ کر نہیں بچ سکتا کہ اُس کے بیان کو توڑمروڑ کر پیش کیا گیا ہے۔

مرکزی حکومت کے دو وزرا ء کرِن رِجیجو اور وی کے سنگھ کے نفرت آمیز بیانات نے بھارتی حکمرانوں کی اصل سوچ واضح کر دی ہے۔ وزیرمملکت برائے داخلہ کرن رجیجو نےدہلی کے سابق لیفٹننٹ گورنر تجیندر کھنہ کے اس بیان کی حمایت کردی جس میں انھوں نے شمالی بھارت کے لوگوں کے بارے میں قانون توڑ کر انجوائمنٹ حاصل کرنے کی بات کی تھی۔

اسی طرح مرکزی وزیر اور غازی آباد سے بی جے پی کے رہنما وی کے سنگھ نے ہریانہ میں دلت بچوں کوز ندہ جلائے جانے کے واقعہ پر انتہائی کڑوی بات کہہ ڈالی۔اس صورتحال میں ا ب جاکر حکمراں بی جے پی کو ہوش آیا۔ وزیر داخلہ راج ناتھ سنگھ نے اپنے ساتھی وزراء کو بیان دیتے وقت ہوش میں رہنے کی ہدایت کی ہے۔