لیبیا میں داعش کےپانچ ہزارجنگجو موجود ہے،اطالوی وزیر خارجہ

جیو نیوز - روم....جنگ ویب ڈیسک.....اٹلی کے وزیر خارجہ پاؤلو جینٹیلونی نے سینیٹ کو بتایا ہے کہ لیبیا میں داعش سے وابستہ جنگجوؤں کی تعداد پانچ ہزار کے لگ بھگ ہے۔

داعش کے جنگجو لیبیا میں سرت کے علاقے تک ہی محدود ہیں لیکن وہاں سے وہ ہمسایہ ریاستوں میں دراندازی کی صلاحیت رکھتے ہیں ۔

وزیر خارجہ پاؤلو نے سینیٹ کو بتایا ہے کہ لیبیا میں اٹلی کی قیادت میں امن فورس کی تعیناتی کے سوا کسی فوجی کارروائی کا کوئی ارادہ نہیں ہے اور اس امن فورس کی تعیناتی کے لیے بھی لیبیا میں قومی اتحاد کی حکومت کے قیام کے بعد اس کی جانب سے درخواست آنی چاہیے۔

ان کا کہنا تھا کہ فوجی مداخلت مسئلے کا کوئی حل نہیں ہے۔لیبیا رقبے کے اعتبار سے اٹلی سے چھ گنا بڑا ملک ہے اور وہاں ملیشیاؤں اور فوج کے درمیان دولاکھ مسلح افراد موجود ہیں۔