ڈونلڈ ٹرمپ کی صدارت دنیا کیلئے بڑا خطرہ ہوگی، برطانوی ادارہ

جیو نیوز - لندن......ایک برطانوی تحقیقی ادارے کا کہنا ہے کہ اگر امریکی ارب پتی ڈونلڈ ٹرمپ امریکا کے صدر بن گئے تو یہ دنیا کو درپیش 10 بڑے خطرات میں سے ایک خطرہ ہو سکتا ہے۔

برطانیہ کےتحقیقاتی ادارے ’اکانومسٹ انٹیلی جنس یونٹ‘ کی جانب سے جاری کی گئی درجہ بندی میں ڈونلڈ ٹرمپ کی صدارت کو برطانیہ کے یورپی یونین سے اخراج اور جنوبی بحیرۂ چین میں لڑائی سے بڑا خطرہ قرار دیا گیا ہے۔

ادارے نے خبردار کیا ہے کہ ٹرمپ کو صدارت ملنے کا مطلب عالمی معیشت میں بےچینی اور امریکا میں سیاسی اور سیکورٹی سے متعلق خطرات میں اضافہ ہو سکتا ہے۔