مستقبل میں صدارتی امیدوار بننے کا ارادہ نہیں،مشل اوباما

جیو نیوز - واشنگٹن.......... امریکی خاتون اول مشل اوباما نے کہا ہے کہ ان کا مستقبل میں صدارتی امیدوار بننے کا کوئی ارادہ نہیں ہے ،انھوں نے کہا کہ وہ ہیلری کلنٹن کے نقش قدم پر نہیں چلیں بلکہ واشنگٹن کی مرتکز سیاست سے باہر رہتے ہوئے زیادہ بہتر طریقے سے کام کرنا چاہیں گی۔

ریاست ٹیکساس کے مقام آسٹن میں منعقدہ ایک میلے کی افتتاحی تقریب سے خطاب کے دوران امریکی خاتون اول نے اپنے مستقبل کے منصوبوں کو عیاں کرتے ہوئے کہا کہ میں صدر نہیں بننا چاہوں گی کیونکہ وائٹ ہاؤس سے باہر اتنا کچھ کرنے کو ہے کہ وہ کسی مرتکز سیاست کا حصہ نہیں بننا چاہتی تاکہ وہ کچھ کرنے کیلئے کسی دباؤ ، لائٹ اور کیمرہ سے بالکل آزاد ہوں۔

مشل اوباما نے مزید کہا کہ جو لوگ میری آواز کو آج اس لئے نہیں سن سکتے کیونکہ میں خاتون اول ہوں وہ مجھے وائٹ ہاؤس سے باہر آنے کے بعد سن سکیں گے، آئندہ سال وائٹ ہاؤس چھوڑنے کے بعد وہ اور ان کا خاندان واشنگٹن میں ہی رہائش رکھنا پسند کرے گا کیونکہ ان کی بیٹیاں اپنے اسکول نہیں چھوڑنا چاہتیں۔