چین میں زلزلے سے ہلاکتوں کی تعداد 180ہوگئی

جیو نیوز - بیجنگ …چین میں زلزلے سے ہلاک شدگان کی تعداد 180ہوگئی ، 7ہزار سے زائد زخمی ہیں ، جاپانی وزیراعظم نے چین کو مدد کی پیش کش کی ہے۔چین میں گزشتہ روز صوبہ سیچوان کے پہاڑی علاقے میں آنے والے زلزلے کی شدت ریکٹر اسکیل پر7.7 تھی ، سراغ رساں کتوں کی مدد سے 91 افراد کوملبے سے زند ہ نکال لیا گیا ہے ، ہزاروں فوجی اور پولیس اہلکار امدادی کارروائیوں میں حصہ لے رہے ہیں۔ چینی وزیر اعظم لی کیچیانگ Li Keqiang نے گزشتہ روز متاثرہ علاقے میں امدادی کارروائیوں کا جائزہ لیا اور زلزلہ متاثرین کی عیادت کی۔ اب تک علاقے میں ایک ہزار سے زائد آفٹر شاکس بھی ریکارڈ کیے گئے ہیں۔