کینیڈا: مسافر ٹرین تباہ کرنیکی سازش ناکام، 2ملزمان گرفتار

جیو نیوز - اوتاوا…کینیڈا کی پولیس نے گریٹر ٹورانٹو میں مسافر ٹرین کو تباہ کرنیکی سازش ناکام بنانے کا دعویٰ کیا ہے اور القاعدہ کی مددسے دہشتگردی کا منصوبہ بنانے والے2ملزمان گرفتارکرلیے ہیں، ملزمان کینیڈاکے شہری نہیں ہیں۔ کینڈین پولیس نے پریس کانفرنس میں بتایا کہ 30برس کے شہاب اصغر اور 35 برس کے رائید جیسر مسافر ٹرین کو نشانہ بنانا چاہتے تھے اور ان پر اسی حوالے سے الزامات عائد کردیے گئے ہیں۔حکام کاکہناتھاکہ ملزموں کو مونٹریال اور ٹورانٹو سے گرفتار کیا گیاہے اور اسی حوالے سے ایف بی آئی نے بھی تعاون کیا تھا۔ پولیس کے مطابق قانون نافذ کرنے والے اداروں نے22 اگست سے ملزمان پر نظر رکھی ہوئی تھی۔