سائنس کاکمال، ارجنٹائن میں بھی انسانی دودھ دینے والی گائے

بیونس آئرس: سائنس کا ایک اور کمال سامنے آگیا ہے۔ چین کے بعد اب ارجنٹائن میں بھی گائے انسانی دودھ دے گی ارجنٹائن کے سائنسدانوں نے جینیاتی تبدیلیوں کے ذریعے ایک گائے کو اس قابل بنادیا ہے کہ وہ انسانی دودھ دے سکتی ہے۔



ارجنٹائن کی صدر کریسٹینا فرنینڈز کو ویڈیو کانفرنس کے ذریعے اس کارنامے سے آگاہ کیا گیا۔ گائے کو روزیٹا کا نام دیا گیا ہے۔ جو دو اضافی انسانی جینز کے ساتھ پیداکی گئی۔ اس طرح کے تجربات چین میں بھی کئے گئے۔ چین کے پاس اب ایسی گائے کا ریوڑ موجود ہے جو انسانی دودھ دیتی ہیں۔ چین یہ دودھ آئندہ تین سال میں مارکیٹ میں لانے کا ارادہ بھی رکھتا ہے۔