ایشین گیمز کرکٹ فائنل،پاکستان کو میچ جیتنے کیلئے93رنز کا ہدف

جنگ نیوز -
گوانگ ژو …ایشین گیمز ویمنز کرکٹ فائنل میں بنگلہ دیش نے پاکستان کوفتح کیلئے 93رنز کا ہدف دیا ہے۔ چین کے شہر گوانگ ژو میں جاری ایشین گیمزکے ٹوئینٹی ٹوئینٹی ویمنز کرکٹ کا فائنل بنگلہ دیش اور پاکستان کی ٹیموں کے درمیان کھیلا جارہا ہے، پاکستانی کپتان ثنا میر نے ٹاس جیت کر پہلے فیلڈنگ کا فیصلہ کیا ، بنگلہ دیش کی ٹیم مقررہ 20اوورز میں 92رنز بناکر آوٹ ہوگئی، بنگلہ دیش کی سلمی خاتون نے 27رنز کی شاندار اننگز کھیلی، رومان نے 17رنز بنائے پاکستان کی جانب سے ندا راشد نے تین اور کپتان ثنا میر نے دو کھلاڑیوں کو آوٹ کیا۔ دوسری جانب تیسری پوزیشن کے میچ میں جاپان نے چین کو سات وکٹوں سے شکست دیکر کونسی کا تمغہ جیت لیا ہے