سابق ٹیسٹ کرکٹروسیم باری کیپی سی بی میں ایک اور باری شروع

جنگ نیوز -
لاہور...…سابق ٹیسٹ کرکٹر وسیم باری کی پاکستان کرکٹ بورڈ میں ایک اور باری شروع ہو گئی ،ساٹھ سال سے زیادہ عمر ہونے پر چیف آپریٹنگ آفیسرکے عہدے سے فارغ کیے گئے سابق کپتان کو ڈائریکٹر ایجوکیشن اینڈ ٹریننگ بنا دیاگیا۔وسیم باری کو پی سی بی کے سروسز رولز میں ترامیم کے بعد60 برس سے زائدعمر ہونے کی وجہ سے یکم نومبر کو چیف آپریٹنگ آفیسرکے عہدے سے فارغ کیا گیا تھا ۔ اب وسیم باری کو پی سی بی میں ایک اور باری دینے کا فیصلہ کیا گیا ہے،اس مرتبہ انہیں ڈائریکٹر ایجوکیشن اینڈٹریننگ کا عہدہ سونپا گیا ہے۔ وہ کراچی میں اپنے فرایض انجام دیں گے ۔ اس سے پہلے وسیم باری پی سی بی میں قومی سلیکشن کمیٹی کے چئیرمین اورڈائریکٹر ایچ آر بھی رہ چکے ہیں ۔