کرکٹ ورلڈکپ کیلئے پاکستان کے علیم ڈار، اسد رؤف آفیشلز میں شامل

جنگ نیوز -
دبئی…انٹرنیشنل کرکٹ کونسل نے 19فروری سے شروع ہونے والے ورلڈ کپ2011کیلئے آفیشلز کا اعلان کر دیا ہے،پاکستان کے علیم ڈار اور اسد رؤف امپائرز پینل میں شامل ہیں۔دبئی سے جاری پریس ریلیز میں بتایا گیا ہے کہ میگا ایونٹ کے ،میچز اٹھارہ رکنی امپائرز کا پینل سپر وائز کرے گا،جس میں دنیا کے نمبر ایک امپائر پاکستان کے علیم ڈار اور اس روف بھی شامل ہیں،ایلیٹ پینل کے بلی باؤڈن،اسٹو ڈیوس،بلی ڈوکٹرو،ماریئس ریسموس،ایان گولڈ،ڈیرل ہارپر،ٹونی ہل،اشوکا ڈی سلوا،سائمن ٹوفل اور روڈ ٹکر شامل ہیں،چھ آئی سی سی انٹرنیشنل پینل کے امپائرز بھی شامل ہیں،میچ ریفریز کے پینل میں کرس براڈ،جیف کرو،رنجن مدوگالے،روشن ماہنامہ،اور اینڈی پیکرافٹ شامل ہیں۔