بھارت کا ورلڈ کپ کرکٹ2011کیلئے30کھلاڑیوں کا اعلان

جنگ نیوز -
نئی دہلی . . . . . . 2011ورلڈ کپ کے لئے بھارت نے بھی30 رکنی ابتدائی اسکواڈ کا اعلان کردیا ہے۔ سچن ٹنڈولکر مسلسل چھٹی بار ورلڈ کپ کھیل کر جاوید میانداد کا ریکارڈ برابر کردیں گے۔19 فروری سے شروع ہونے والے کرکٹ ورلڈ کپ کیلئے بھارت کی 30رکنی ممکنہ اسکواڈ میں آل راؤنڈر یوسف پٹھان، فاسٹ بالر چیتیشور پجارا کے ساتھ ساتھ لیگ اسپنر پیوش چاؤلہ بھی شامل ہیں، ماسٹر بلاسٹر سچن ٹنڈولکر مسلسل چھٹی بار ورلڈ کپ اسکواڈ کا حصہ ہیں، دو ماہ بعد ہونے والے ایونٹ میں شرکت کے ساتھ ہی وہ سابق پاکستانی کپتان جاوید میانداد کا مسلسل6 ورلڈ کپ کھیلنے کا ریکارڈ برابر کردیں گے۔ سینئر کھلاڑی وریندرسہواگ، گوتھم گھمبیر، یوراج سنگھ،ہربھجن سنگھ،ظہیر خان، اشیش نہرا اور پارتھیوپٹیل، اسکواڈ کا حصہ ہوں گے، راہول ڈریوڈ اور عرفان پٹھان30 رکنی ممکنہ اسکواڈ میں جگہ نہیں بناسکے۔