سچن ٹنڈولکر کی ٹیسٹ کرکٹ میں سنچریوں کی نصف سنچری مکمل

جنگ نیوز -
سنچورین…بھارتی بیٹسمین سچن ٹنڈولکر نے ایک اورتاریخ رقم کردی،وہ ٹیسٹ کرکٹ میں پچاس سنچریاں مکمل کرنے میں کامیاب ہوگئے۔بھارتی بیٹسمین سچن ٹنڈولکر نے ٹیسٹ کرکٹ میں سنچریوں کی نصف سنچری مکمل کرلی ہے، وہ یہ کارنامہ انجام دینے والے پہلے کرکٹر ہیں ، ماسٹربلاسٹرٹنڈولکر نے یہ کارنامہ175 ویں ٹیسٹ میں انجام دیاہے،1989میں کیریرکاآغاز کرنے والے ٹنڈولکر نے سب سے زیادہ سنچریاں نیوزی لینڈ کے خلاف بنائی ہیں جن کی تعداد چھ ہے جبکہ پاکستان کے خلاف پانچ سنچریاں بناچکے ہیں۔کئی ریکارڈز کے مالک سچن ٹنڈولکر کو کرکٹ کاایک عہد کہاجائے تو کم نہیں ہوگا، ٹیسٹ کرکٹ میں ساڑھے چودہ ہزارسے زائد رنزبناچکے ہیں،جوکہ ایک ریکارڈ ہے۔ون ڈے کرکٹ میں بھی سب سے زیادہ سنچریوں اورسب سے زیادہ رنزٹنڈولکر کے پاس ہے۔