امن کی آشا :پاک بھارت کرکٹ ٹیم بہترین ثابت ہو گی ،اکشے کمار

جنگ نیوز -
ٹورنٹو…بالی وڈ اداکار اکشے کمار اپنی نئی آنیوالی کامیڈی فلم تیس مارخان کی پروموشن کیلئے کینیڈا کے شہر ٹورنٹو پہنچے جہاں صحافیوں سے گفتگو کرتے ہوئے اکشے کمار کا کہنا تھا کہ پاکستان اور بھارت کی مشترکہ کرکٹ ٹیم دنیا کی بہترین ٹیم ثابت ہو گی۔اکشے کمار نے کہا کہ ان کی آنے والے فلم ایک کامیڈی فلم ہے اور یہ لوگوں کو پسند آئے گی ۔پاکستان کے بارے میں جیونیوز کے نمائندے بدر منیر چوہدری سے بات کرتے ہوئے ان کا کہنا تھا کہ پاکستان میں میری فلمیں سب سے زیادہ بزنس کرتی ہیں اور انہیں جتنا پیار پاکستان سے ملتا ہے کہیں اور سے نہیں ملتا ۔لاہور کے کھانے اکشے کمار کو بہت پسند ہیں جن کے بارے میں انہوں نے بتایا کہ مجھے لاہور کا کھانا کھانے کا موقع ملا ہے اور بہت مزا آیا ۔