Selector Mohammad Ilyas ne PCB k show cause notice ka jawab day diya

اے آر وائی -

Lahore : quomi cricket team k selector Mohammad Ilyas ne PCB k show cause notice ka jawaab day diya hai. doosri janib Pakistan Cricket Board ka kehna hai ke adalti faislay ka ehtram kya jaye ga.

zaraye k mutabiq selector Mohammad Ilyas ne apnay jawaab mein kaha ke Shahid Afridi ki janib say unhain zaati tanqeed ka nishana banaya gaya, jis k baes woh dilbardashtah ho gaye. aur unhon ne apnay aur apnay khandaan k difaa mein byaan baazi ki.

doosri janib tarjuman PCB Nadim sarwar k mutabiq Shahid Afridi ki janib say Sindh high court mein darkhwast k jawaab mein adalat ne disciplinary committee ka ijlaas Moakhir karnay ka hukum diya. jis par PCB ne muaqqaf inkhtiyaar kiya hai ke mustaqbil mein bhi adalat jo faisla karay gi iss ka ehtram kiya jaye ga.