چیئرمین پی سی بی اعجازبٹ کی صدر آصف زرداری سے ملاقات

اے آر وائی - اسلام آباد : چیئرمین پی سی بی اعجازبٹ نے صدر مملکت اوربورڈ کے سرپرست اعلیٰ آصف علی زرداری سے ملاقات میں کرکٹ امور کے بارے میں بریفنگ دی۔ صدرمملکت سے اعجازبٹ کی ملاقات کے موقع پر وزیر کھیل انجیئر شوکت اللہ خان بھی موجود تھے۔



اعجازبٹ نے صدر زرداری کو کرکٹ کے امور اور شاہد آفریدی کیخلاف ضابطہ اخلاق کے تحت کی گئی کارروائی کے بارے میں آگاہ کیا اور اس معاملے میں سیاسی شخصیات کی مداخلت کی شکایت بھی کی۔ ذرائع کے مطابق حکومت نے شاہد آفریدی اور بورڈ کے درمیان تنازعہ کا سختی سے نوٹس لیا ہے ، جس سے عوام بھی ناراض ہیں۔ ان حالات میں بورڈ کو تبدیل کرنابھی خارج ازامکان نہیں ہے۔ کرکٹ بورڈ کی سربراہی کیلئے ذولفقار مرزا کانام بھی لیا جارہاہے اور اس سلسلے میں قانونی ماہرین سے صلاح مشورے کئے جارہے ہیں۔