شاہد آفریدی کیس: ایوان صدر مداخلت نہیں کرے گا،ذرائع

اے آر وائی - اسلام آباد : قومی کرکٹ ٹیم کے سابق کپتان شاہد خان آفریدی کے معاملے پر ایوان صدر مداخلت نہیں کرے گا۔ اے آر وائی نیوز کو موصول ہونے والی اطلاعات کے مطابق شاہد آفریدی کے میڈیا میں بیانات اور سیاست دانوں سے رابطوں کے بعد چیئرمین پی سی بی اعجاز بٹ نے اسلام آباد میں اعلیٰ حکام سے مشاورت کی اور ایوان صدر کو بھی تمام صورتحال سے آگاہ کیا۔



ایوان صدر کے ذرائع نے تصدیق کی چیئرمین پی سی بی کو یقین دہانی کرائی گئی کہ ایوان صدر اس معاملے میں مداخلت نہیں کرے گا،پی سی بی صورتحال کو اپنے قواعد و ضوابط کے مطابق حل کرے۔ قومی کرکٹ ٹیم کا کپتان مقرر کرنا کرکٹ بورڈ کا کام ہے ایوان صدر کا نہیں۔