کرس گیل بدستور ویسٹ انڈیز کی ٹیم سے باھر

اے آر وائی - سینٹ لوشیا: ویسٹ انڈیز نے جارحانہ اوپنر کرس گیل کو بھارت کے خلاف تیسرے اور چوتھے ون ڈے کی ٹیم میں بھی شامل نہیں کیا۔ بھارت سے ابتدائی دو ون ڈے میچوں میں شکست کے باوجود بھی ویسٹ انڈیز نے اینٹیگا میں تیسرے اور چوتھے ون ڈے کی ٹیم میں بھی گیل کو شامل نہیں کیا۔



گیل نے اپریل میں ویسٹ انڈین کرکٹ بورڈ پر شدید تنقید کی تھی اور اسکے بعد وہ بھارت میں آئی پی ایل کھیلنے چلے گئے تھے ویسٹ انڈین کرکٹ بورڈ نے اگلے دو میچوں کے لئے ڈوین براوو اور روی رام پال کو آرام کا موقعہ دیا ھے۔ فاسٹ بولر کیمر روچ کی ٹیم میں واپسی ھوئی ھے۔