ایگون ٹینس: عالمی نمبرایک رافیل نڈال کو اپ سیٹ شکست

اے آر وائی - لندن : ٹینس عالمی نمبر ایک رافیل نڈال ایگون چیمپئن شپ کے کوارٹر فائنل میں اپ سیٹ شکست کا شکار ہوگئے۔ لندن میں جاری گراس کورٹ ٹورنامنٹ کے کوارٹرفائنل میں فرانس کے جو ولفریڈ سونگا نے رافیل نڈال کو اپ سیٹ شکست دیدی۔ انکی فتح کا اسکور چھ سات، چھ چار اور چھ ایک رہا۔



امریکا کے اینڈی روڈک نے اسپین کے فرنینڈو ورڈاسکو کے خلاف چھ دو اور چھ دو کے اسکور سے کامیابی حاصل کی۔ برطانوی اسٹار اینڈی مرے براہ راست سیمی فائنل میں پہنچ گئے انکے کروشین حریف مارین سیلچ انجری کے باعث مقابلے سے دستبردار ہوگئے۔ وائلڈ کارڈ انٹری کے ذریعے شرکت کرنے والے برطانوی کھلاڑی جیمز وارڈ نے حٰیران کن طور پر ایک دن میں دو میچز جیت کر سیمی فائنل میں جگہ بنائی۔گذشتہ روز کے نامکمل میچ میں دفاعی چیمپئن سام کیوری کوہرایا۔ کوارٹرفائنل میں فرانس کے ایڈریان مارینو کو شکست دی۔