عامر خان جوڈا سے مقابلےکےلئے پُرجوش

اے آر وائی - لاس اینجلس : پاکستانی نژاد برطانوی باکسرعامرخان کا پهانچ بار کےعالمی چیمپئن زیب جوڈا سے مقابلہ تئیس جولائی کو لاس ویگاس میں ہوگا۔مقابلہ ایچ بی او ورلڈ چیمپئن شپ پر براہ راست نشر کیاجائےگا۔



کنگ عامر اور زیب سوپر کے درمیان مقابلے کی تیاریاں مکمل کرلی گئی ہیں۔ اس سلسلے میں دونوں باکسرز ہفتے کو پریس کانفرنس کریں گے۔ دلچسپ مقابلے کےلئےسوسے چار سوڈالرز کے ٹکٹوں کی فروخت شروع کردی گئی ہے۔



باکسر عامر خان کا کہنا ہے کہ ایک سو چالیس پاؤنڈ ڈویژن کےمقابلے کےلئے وہ ہمیشہ پرجوش رہے ہیں اور اس کا خواب دیکھتے آئے ہیں۔ انکا کہنا ہے کہ زیب کے ساتھ مقابلہ بہت سخت ہوگا۔ عامر کاکہناہے کہ ان کی تیاری مکمل ہے اور کافی محنت کی ہے۔ دوسری جانب جوڈا بھی پرجوش دکھائی دیتے ہیں۔ انکا کہنا ہے کہ وہ بہت خوش ہیں اور مقابلےکےلئےتیارہیں۔