Adalat ne cricketer Imran Nazeer ki aboori zamanat Manzoor kar li

اے آر وائی -

Lahore : Lahore mein additional session judge Shahida Saeed ne cricketer Imran Nazeer ki aboori zamanat Manzoor karli. Imran Nazeer par shehri Sohail Shakir ko ighwa karnay ki koshish par thaana lattan road mein FIR darj ki gayi thi.

adalat ne in ki zamanat ki darkhwast manzoor kartay huay do roz mein pachaas hazar rupay kay machalkay aur baaes June ko dobarah adalat mein paish honay ki Hidayat ki. Imran Nazeer ne sahafion say baat cheet kartay huay kaha ke woh qanoon ka ehtram kartay hain aur in ka ighwa kay muqadmay say koi talluq nahi. in kay mutabiq susti shohrat haasil karnay kay liye muqadma darj kiya gaya.