ون ڈے رینکنگ، سعید اجمل کی تیسری پوزیشن ، حفیظ بہترین آل راونڈر

جیو نیوز - کراچی …پاکستان کے محمد حفیظ فارم میں واپس آتے ہی دنیا کے بہترین آل راؤنڈر جبکہ سعید اجمل بھی نئی آئی سی سی ون ڈے رینکنگ میں دنیا کے تیسرے بہترین بالر بن گئے ہیں۔زمبابوے کے خلاف پاکستان ٹیم نے ون ڈے سیریز کیا جیتی، کھلاڑیوں کی ون ڈے رینکنگ بہتر ہوگئی۔ سیریز کے بہترین کھلاڑی قرار دئیے جانے والے محمد حفیظ ایک بار پھر دنیا کے بہترین آل راونڈر بن گئے ہیں۔ بیٹسمینوں کی رینکنگ میں انہوں نے 17 درجے اونچی چھلانگ مار کر 31ویں پوزیشن حاصل کرلی جبکہ بالرز کی فہرست میں نویں نمبر پر پہنچ گئے ہیں۔ آف اسپنر سعید اجمل دو درجے ترقی کے بعد بالرز میں تیسری پوزیشن پر آگئے ہیں۔ دوسرے ون ڈے میں 4 وکٹیں لینے والے جنید خان 6 درجے ترقی کے بعد 26ویں نمبر پر آگئے ہیں۔ جنوبی افریقا کے ہاشم آملہ بدستور دنیا کے بہترین بیٹسمین جبکہ بھارت کے رویندرا جڈیجا اور ویسٹ انڈیز کے سنیل نارائن بہترین بالرز ہیں۔