آئی سی سی رواں ماہ متنازع ریویو سسٹم میں بعض ترامیم پر بحث کریگی

جیو نیوز - دبئی…انٹرنیشنل کرکٹ کونسل، رواں ماہ ہونیوالی چیف ایگزیکٹو کمیٹی کے اجلاس میں متنازع ریویو سسٹم میں بعض ترامیم پر بحث کرے گی۔امپائرز ڈی سی ژن ری ویو سسٹم کو کرکٹ میں شامل تو امپائرز کی مدد کیلئے کیا گیا تھا لیکن یوں لگتا ہے کہ یہ آئی سی سی کیلئے شاید درد سر بن رہا ہے۔ پہلے بھارت نے اس کو ماننے سے انکار کیا پھر ایشیز کے دوران اس کے متنازع کردار نے اس کی افادیت پر سوال اٹھادیئے ہیں۔ذرائع کا کہنا ہے کہ روا ں ماہ دبئی میں ہونیوالے آئی سی سی کے اجلاس میں ڈی آر ایس کو خاص طور پر ایجنڈے میں شامل کیا گیا ہے۔آئی سی سی کی کوشش ہے کہ براڈکاسٹرز کی فٹیج کی بجائے براہ راست فٹیج پر انحصار کیا جائے۔ اس کے علاوہ ٹیسٹ میچز میں ہر اسی اوور کے بعد دونوں ٹیمو ں کو ایک ایک اضافی ری ویو اور محدوداوور کی کرکٹ میں امپائرز کال پر ایل بی ڈبلیو کا ری ویو مسترد ہونے کے صورت میں آپشن ضائع نہ ہونے کی تجویز بھی زیر غور آئے گی۔