Pakistan ka Srilanka kay khilaaf home series Zimbabwe mein karanay par ghour

اے آر وائی -

Lahore : Pakistan Cricket Board Srilanka kay khilaaf home series Zimbabwe mein karanay par ghour kar raha hai. ICC future tour programme kay tehat october mein Pakistan ko mukammal series ke liye Srilanka ki maizbani karna hai.

Srilanka ne Pakistan ki home series ki maizbani ki peshkash ki hai jabkay ghair mulki teamon kay security khadshaat kay sabab khailnay say guraiz ki wajah say Pakistan apni kayi home series UAE mein khail chuka hai. UAE hakkam Pakistan say taweel mudti moahida karna chahtay hain. lekin Srilanka mein sponser ship kay husool mein mushkilaat ka saamna hai tou UAE mein akhrajaat bohat zyada atay hain.

PCB official kay mutabiq board Zimbabwe mein series kay ineqad ke liye akhrajaat ka takhmeenah laga raha hai aur sponser ship dastyab hui tou series Zimbabwe mein munaqid karai ja sakti hai.