کراچی:پرتشدد واقعات میں ڈاکٹراور خاتون سمیت6 ہلاک، آٹھ زخمی

جنگ نیوز -
کراچی..کراچی کے مختلف علاقوں میں فائرنگ اورپرتشدد واقعات میں ڈاکٹراور خاتون سمیت 6افراد ہلاک جبکہ8 سے زائد زخمی ہوگئے۔پولیس کے مطابق ناظم آباد کے علاقے پاپوش نگرمیں ریلوے پھاٹک کے قریب مسلح ملزمان نے گاڑی پر فائرنگ کردی سے جس سے کاشف نامی نوجوان ہلاک جبکہ زبیر زخمی ہوگیا۔ ۔قصبہ کالونی میں نامعلوم ملزمان کی فائرنگ ایک خاتون جاں بحق ہوگئی۔ کلفٹن برج پر مسلح ملزمان نے فائرنگ کر کے ایک شخص کو قتل کردیا۔ راشد منہاس روڈ پر الہ دین پارک کے قریب مسلح ملزمان نے گاڑی پر فائرنگ کر کے ڈاکٹر سید محمد آصف کو ہلاک کردیا اور با آسانی فرار ہوگئے۔ لیاری کے علاقے کھڈا مارکیٹ میں مسلح افراد نے فائرنگ کر کے یونس نامی شخص کو ہلاک کردیا۔اورنگی ٹاؤن کے علاقے بلوچ پاڑہ سے ایک شخص کی تشدد زدہ ملی جس کی شناخت نہیں ہوسکی۔ لیاری، لائنز ایریا، ناظم آباد، سر سید ٹاؤن، پراناحاجی کیمپ،گلستان جوہر اور بھٹائی آباد میں نامعلوم افراد نے فائرنگ کر کے 8 سے زائد افراد کو زخمی کردیا۔ رابطہ کرنے پر حکام نے جیو نیوز کو بتایا کہ ناظم آباد، راشد منہاس روڈ، کلفٹن اور لیاری میں ہلاکت کے واقعات ٹارگٹ کلنگ کا نتیجہ ہیں جن کی تحقیقات شروع کردی ہیں