لیبیا سے اب تک1455 پاکستانیوں کو نکال لیا گیا ہے، دفتر خارجہ

جنگ نیوز -
اسلام آباد...دفتر خارجہ کا کہنا ہے کہ لیبیا سے اب تک1455 پاکستانیوں کو نکال لیا گیا ہے، جبکہ ترکی سے176 پاکستانیوں کو لے کر خصوصی طیارہ آج رات ڈھائی بجے اسلام آباد پہنچ رہا ہے۔ ترجمان دفتر خارجہ تہمینہ جنجوعہ کی طرف سے جاری بیان میں کہا گیا ہے کہ قاہرہ سے260 پاکستانیوں کو پی آئی اے کی خصوصی پرواز کے ذریعے اسلام آباد لایا گیا ، جبکہ تیونس کے جزیرے جربا سے251پاکستانیوں کو خصوصی پرواز کے ذریعے آج صبح پاکستان پہنچایا گیا ۔ قاہرہ سے پی آئی کی پرواز کے ذریعے199 جب کہ ٹریپولی سے460 پاکستانیوں کو کل پاکستان لایا جائے گا۔