شیخوپورہ ،باراتیوں سے بھری ویگن اور بس میں تصادم،2افراد ہلاک

جنگ نیوز -
شیخوپورہ … شیخوپورہ میں موٹروے پر گجیانہ پل کے قریب باراتیوں سے بھری ویگن اور ٹرک میں تصادم سے ایک خاتون اور بچہ جاں بحق ہو گئے۔ پولیس کے مطابق باراتیوں سے بھری ویگن راولپنڈی سے لاہور آ رہی تھی۔ گجیانہ پل کے قریب ڈرائیور خان محمد کو اونگھ آ گئی جس سے ویگن آگے جانے والے ٹرک سے جا ٹکرائی۔ حادثے میں مسز ذوالفقار اور ایک بچہ جاں بحق ہو گئے۔ تین باراتی ذوالفقار، اصغر اور جاوید زخمی ہو گئے جنہیں اسپتال پہنچا دیا گیا۔